bakuxeber.az 
ARB TV-də yayımlanan “Maqazin Plus” verilişinin “Qara qutu” rubrikasının qonağı “Faytonçu” ləqəbi ilə tanınan ifaçı Nazim Pişyari olub.
BakuXeber.Az xəbər verir ki, Nazim rubrika çərçivəsində ona ünvanlanan sualları cavablandırıb.
“Nura Suri yaxşı oxuyur, yoxsa Sevda Yahyayeva?” sualına cavab olaraq isə N.Pişyari Nuranı dinləmədiyini vurğulayıb.
“Sevda Yahyayeva yaxşı oxuyur. Nura Surini dinləmirəm, ona görə də heç bilmirəm nə oxuyur? Deyilənə görə müğənnidir, oxuyur. Amma onun oxumağının mənə heç bir aidiyyəti yoxdur”, – deyə ifaçı qeyd edib.
Qeyd edək ki, Nura və Nazim arasında uzun müddətdir soyuq küləklər əsir. N.Pişyari qalmaqalın səbəbini açıqlamasa da, onun şəxsi məsələ olduğunu bildirib.
