bakuxeber.az 
Ağdam rayonunda vəziyyətlə bağlı səslənən iddialar ciddi narahatlıq doğurur. İddialara görə, Ağdam Rayon İcra Hakimiyyətinin başçısı Vaqif Həsənov tərəfindən jurnalistlərə qarşı təzyiq göstərilir, onların fəaliyyətinə müdaxilə olunur və hətta həbs olunmaları üçün addımlar atılır.Xüsusilə qeyd olunur ki, səyyar qəbullar zamanı tənqidi mövqe sərgiləyən jurnalistlərin “cəzalandırılacağı” ilə bağlı fikirlər səsləndirilib. Bu isə söz və mətbuat azadlığı prinsiplərinə açıq şəkildə ziddir. İddialarda həmçinin bildirilir ki, bəzi jurnalistlərin – o cümlədən İlhamı Nəsibov və Elnur Abdullayevin – üzləşdiyi problemlər bu yanaşmanın nəticəsi kimi qiymətləndirilir.Bundan əlavə, iddialara görə, bəzi məmurların məhkəmə proseslərinə yönləndirilməsi, dövlət qurumlarına təsir göstərilməsi və hüquq-mühafizə orqanlarına qeyri-rəsmi tapşırıqlar verilməsi kimi hallar da mövcuddur. Əgər bu iddialar doğrudursa, bu, artıq təkcə etik yox, həm də hüquqi məsuliyyət yaradan ciddi qanun pozuntularıdır.Heç bir vəzifəli şəxs qanundan üstün deyil. Dövlət idarəçiliyi şəxsi maraqlar üzərində deyil, qanun və ədalət prinsipləri üzərində qurulmalıdır. Jurnalistləri susdurmaq cəhdi cəmiyyətin səsini boğmaq deməkdir və bu cür yanaşmalar nə dövlətə, nə də xalqa xidmət edir.Bu iddiaların obyektiv şəkildə araşdırılması, aidiyyəti qurumlar tərəfindən hüquqi qiymət verilməsi vacibdir. Əks halda, belə hallar cəmiyyətdə inamsızlıq yaradır və hüququn aliliyinə ciddi zərbə vurur.
