1-İyun Daxili işlər Nazirliyinin mətbuat xidmətinin rəisi Ehsan Zahidovun doğum günüdür

Zahidov Ehsan Əflan oğlu 1963-cü il iyun ayının 1-də Şamaxı rayonunda anadan olub. Orta təhsilini Qaradağ rayonu Səngəçal qəsəbəsindəki 222 nömrəli məktəbdə almışdır (1970–1980-ci ilər).
1982–1989-cu illərdə Azərbaycan Dövlət Universitetinin (indiki BDU) jurnalistika ixtisası üzrə ali təhsil almışdır.
1983–1985-ci illərdə Macarıstan Respublikasında hərbi xidmətdə olmuşdur. Qarabağ müharibəsi veteranıdır.
1990–1991-ci illərdə Təbiəti Mühafizə Komitəsinin “Fəryad” qəzetində müxbir kimi fəaliyyət göstərmişdir.
1992-ci ildən etibarən daxili işlər orqanlarında çalışır. 1993–1997-ci illərdə DİN Polis Akademiyasında hüquqşünas ixtisası üzrə təhsil almışdır. Ehsan Zahidov uzun müddət DİN-in Mətbuat Xidmətinin KİV və İctimaiyyətlə Əlaqələr şöbəsinə rəhbərlik edib. 2010-cu ildə daxili işlər naziri Ramil Usubovun müvafiq əmri ilə polis polkovnik-leytenantı Ehsan Zahidov Daxili İşlər Nazirliyinin Mətbuat Xidmətinin rəis müavini vəzifəsinə təyinat alıb. 2017-ci il fevral ayının 1-də Daxili İşlər naziri, general-polkovnik Ramil Usubov müvafiq əmrinə əsasən, DİN-in Mətbuat Xidmətinin rəisi müavini, polis polkovniki Ehsan Zahidov tutduğu vəzifədən azad edilərək Mətbuat Xidmətinin rəisi təyin edilib.
Ailəlidir, 3 qızı və 1 oğlu var.

Təltifləri

2005-ci ildə daxili İşlər naziri, general-polkovnik Ramil Usubovun əmri ilə “Əla” xidmətlərinə görə döş nişanı ilə təltif edilib.
2007-ci ildə daxili İşlər naziri, general-polkovnik Ramil Usubovun əmri ilə “Qüsursuz xidmətə görə” 3-cü dərəcəli medalı ilə təltif edilib.
2007-ci ildə daxili İşlər naziri, general-polkovnik Ramil Usubovun əmri ilə “Qüsursuz xidmətə görə” 2-ci dərəcəli medalı ilə təltif edilib.
2012-ci ildə daxili işlər naziri,general-polkovnik Ramil Usubovun əmri ilə “Qüsursuz xidmətə görə” 1-ci dərəcəli medalı ilə təltif edilib.

Daxili işlər orqanlarında qüsursuz xidmətə görə” medalı
2018-ci ildə Azərbaycan Respublikasının Prezidenti İlham Əliyevin sərəncamı ilə “Vətən uğrunda” medalı ilə təltif edilib.

Bakuxeber.Az olaraq Daxili işlər Nazirliyinin mətbuat xidmətinin rəisi Ehsan Zahidovu doğum günü münasibəti ilə ürəkdən təbrik edirik.