Polislərin qarşısında qolunu kəsən kişi xəstəxanada öldü: TƏFƏRRÜAT – RƏSMİ AÇIQLAMA

Şəmkir rayonunda 54 yaşlı kişi özünə xəsarət yetirib.

“Report”un məlumatına görə, 1968-ci il təvəllüdlü A.Cabbarov kəsici alətlə qol nahiyəsindən özünə ağır dərəcədə xəsarət yetirib.

O ağır vəziyyətdə xəstəxanaya yerləşdirilərək əməliyyat otağına aparılıb. Həkimlərin səyinə baxmayaq qolun kəsilmiş-deşilmiş yarası ilə xəstəxanya yerləşdirilən A.Cabbarovun həyatının xilas etmək mümkün olmayıb.

Onun hansı səbəbdən özünə xəsarət yetirməsi məlum deyil. Faktla bağlı araşdırma aparılır.

Qeyd edək ki, Daxili İşlər Nazirliyinin Regional Mətbuat xidmətindən verilən məlumata görə, May ayının 7-də saat 17:50 radələrində Şəmkir rayon sakini olan bir qadın Rayon Polis Şöbəsinə müraciət edərək tanışı Arzu Cabbarov tərəfindən onu təhqir olunaraq döydüyünü bildirib və kömək istəyib.

Müraciətlə əlaqədar polis əməkdaşları dərhal hadisə yerinə gələrkən həmin qadın ilə A. Cabbarovun mübahisəni davam etdirklərini gördükdə vətəndaş A. Cabbarov ilə profilaktiki söhbətlər apararaq onu sakitləşdirməyə çalışıb.

Lakin A. Cabbarov öz aqressiv hərəkətlərini davam etdirərək polisin qanuni tələblərinə tabe olmayaraq evin qapısındakı pəncərənin şüşəsini sındıraraq həmin şüşə ilə sol qolunun dirsək bükümünü kəsib. Polis əməkdaşları dərhal ona ilkin tibbi yardım göstərərək Şəmkir rayon Mərkəzi Xəstəxanasına çatdırıb.

Arzu Cabbarov dərhal əməliyyat edilsə də, əməliyyatdan az sonra vəfat edib. Hazırda fakt Daxili İşlər Nazirliyinin və Respublika Baş Prokurorluğunun diqqətindərir, araşdırmalar davam etdirilir.