![](https://bakuxeber.az/wp-content/uploads/2024/06/1719564302_m-1024x656.jpg)
Gələcək Azərbaycan Partiyasının (GAP) sədri Ağasif Şakiroğlu bir neçə gün bundan öncə avropa məhkəməsi onun barəsində çıxardığı qərara münasibət bildirərkən AŞPA-nı sərt şəkildə tənqid edib.
Onları xalqımıza və dövlətimizə qarşı qərəzli mövqe göstərməkdə, həmçinin öz daxilində ədalət hissini itirmiş, erməni lobbisinin əlində alətə çevrilmiş, millətimizə, xalqımıza və dövlətimizə qarşı iyrənc siyasət yürütməkdə ittiham edərək sözü gedən qərardan və ona verilən təzminatdan rəsmən imtina edib.
“Azərbaycan Reallığı” xəbər verir ki, bu Azərbaycanda ilk dəfədir hansısa partıya sədri tərəfindən belə bir addın irəli atılır
Ağasif Şakiroğlunun Avropa Məhkəməsinin qərarına münasibətin təqdim edirik…
Məlum oldu ki, 2019-cu ildə sərbəst toplaşmaq hüququmuzun pozulması səbəbilə Avropa Məhkəməsinə etdiyimiz müraciətdə haqlı sayılmışıq və etdiyimiz şikayətlər fonunda Məhkəmə: hər biri 1500 avro olmaqla ümumilikdə 3000 avro (təxminən 6000 manat) civarında dövlətimizi cərimələyib.
Avropa Şurası Parlament Assambleyasının xalqımıza və dövlətimizə qarşı apardığı qərəzli, eyni zamanda ikili standartlarla rəftarına etiraz əlaməti olaraq Avropa Məhkəməsinin qəbul etdiyi Qərarları RƏDD EDİRƏM!
Öz daxilində ədalət hissini itirmiş, erməni lobbisinin əlində alətə çevrilmiş, millətimizə, xalqımıza və dövlətimizə qarşı iyrənc siyasət yürüdən bir təşkilatın hansısa məhkəməsində ədalət axtarışını günümüzün reallıqlarına uyğun hesab etmirəm. Öz daxilində ədaləti görməzdən gələnlər heç bir zaman ədalətli ola bilməz!
Şəxsən mən, 2020-ci ilin 27 sentyabrınadək beynəlxalq qurumların ədalətinə ümid bəsləyirdim. Ancaq və lakin Azərbaycanımızın apardığı 44 günlük Vətən savaşında başda Fransa olmaqla bir çox Avropa dövlətlərinin ölkəmizə və xalqımıza qarşı erməni lobbisinin diqtəsilə səsləndirdikləri sərsəm bəyanatlar və açıqlamalar bu qurumlara olan inamımı tamlıqla sarsıtdı.
Dövlətimizə və xalqımıza dil uzatmış, haqq savaşımızdan sonra vətənimizə qarşı AŞPA-da həyata keçirilən düşmənçilik siyasətinin davamı olaraq “səsvermə hüququndan məhrum etmə” əməliyyatı və bu əməliyyatın fonunda Fransanın dirijorluğu ilə Ermənistanın silahlandırılması – “AVROPADA ƏDALƏT və DÜRÜSTLÜK VAR” düşüncələrimizi dəfn etdi.
Bu və digər səbəbləri nəzərə alaraq öz prinsiplərinə xəyanət etmiş, başqa-başqa kiçik qrupların əlində alət olmuş bir qurumun formalaşdırdığı “ədalət məhkəməsinin” verdiyi “qərar” şəxsən mənim üçün kağız parçasından ibarətdir!
Bu səbəbdən də AŞPA-nın dövlətimizə qarşı yürütdüyü düşmənçilik siyasətinə etiraz olaraq mənə ayrılmış təzminatdan rəsmən imtina edir, pozulmuş hüquqlarım fonunda dövlətimi hansısa əldəqayırma “məhkəməyə” verməkdən imtina edirəm. Mənim üçün pozulmuş hüquqlarım Qarabağımızdan, vətənimizdən və dövlətimizdən üstün deyildir!
Yaşasın bütöv və qüdrətli Azərbaycan!